Vita vyafika ndani ya Urusi

Uchaguzi unafanyika wakati athari za vita zikizidi kuonekana ndani ya Urusi. Mashambulizi ya ndege zisizo na rubani za Ukraine yameharibu viwanda vya kusafisha mafuta, maghala na miundombinu ya usafirishaji katika maeneo mbalimbali.

Mashambulizi kwenye viwanda vya mafuta yalisababisha uhaba mkubwa wa mafuta ulioshika kasi mwezi Juni, ukapungua kwa muda na kurejea tena mwezi Agosti. Mashambulizi mengine kwenye maghala ya kampuni za biashara mtandaoni yamesababisha wafanyabiashara wengi kupoteza bidhaa zao.

Uchumi wa Urusi, ambao awali ulichochewa na matumizi makubwa ya kijeshi, sasa unaonyesha dalili za kudumaa. Serikali imeongeza kodi na kukopa zaidi ndani ya nchi ili kukabiliana na nakisi inayoongezeka katika bajeti.